اسلام آباد۔3اکتوبر (اے پی پی): بنجاھی وزیر تہی کاری شیخ رشید احمد ءَ یک شمبے ءِ روچ ءَ پاک بحریہ ڈاسک یارڈ کراچی ءِ تر ءُ تاب کت، کمانڈر پاکستان فلیٹ وی / ایڈمرل نوید اشرف ءَ آئی ءَ را وش اتک کت۔ وزیر ءِ تہی کار ءَ را پاک بحریہ ءِ آپریشنل طاقت ءُ نیول آپریشن ءِ جتا جتائیں بھر آںی ھوالگ ءَ سر پد کنگ بوت۔ ایشی ءَ ابید وزیر ءِ تہی کار شیخ رشید احمد ءَ را سب میرین حمزہ ءِ ھم سرجمیں تر ءُ تاب کنائینگ بوت۔ وزیر ءِ تہی کار شیخ رشید احمد ءَ سب میرین ءِ جتا جتائیں بھر چارت آں ءُ نیول اپسرگ آں گوں آپریشنز آنی ھوالگ ءَ سرجمیں ھال پرس کت انت۔ شیخ رشید احمد ءَ پاک بحریہ ءِ آپریشنل ازمکاریئ آنی ھوالگ ءَ دل یکیمی ءِ درشان کنان ءَ آءی ءِ گہتریں کار کرد ءَ را سہرا کت۔ آئی ءَ گوشت کہ جنگ بہ بیت یا ایمنی دوئیں جاور ھال آنی ھوالگ ءَ پاک بحریہ ءِ کرد لائک ءِ توسیپی انت۔
