پنڈ دادنخان ۔2اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ مرچی اوگانستان ، کشمیر، فلسطین ءَ ھوار میاں اوستمانی ایشوز آنی سر ءَ سرجمیں دگنیا ءَ گپ گوشدارگ بوھگ ءَ انت، مزن وزیر عمرا ن خان ایوک ءَ پاکستان ءِ ناں، آ اے پڑے ءُ سرجمیں مسلمان آنی لیڈر انت، مئے وش بھتی انت کہ پاکستان ءَ را سکیں ساھت ءَ یک انچیں لیڈر ءِ رستگ آ راجی ءُ میاں اوستمانی سیاست ءَ یک سہرا بستار ءِ دار ایت، اوگانستان ءَ پاکستان ءِ پازیٹیو کرد سرجمیں دگنیا ءِ دیم ءَ انت، ملک ءَ را سیاس معاشی پالیشی ءِ رچ ءِ ضلورت انت، ایمنی بیت گڈا معیشت دیمروئی کنت، جمہوریت ءِ جنگ ءَ مڈوکیں پارٹی ظالمی کنگ ءَ انت، پاکستان ءِ اندر ءَ مئے توامیں دلگوشی سیکورٹی ءُ معیشت ءِ ھوالگ ءَ بہ بنت، للہ ءَ بگر تاں جہلم سڑک ءِ جوڑیشت ءَ چہ دمگ ءِ دیمروئی ءِ نوکیں دور بندات بوتگ۔ اے ھیالانی درشانی آئی ءَ شمبے ءِ روچ ءَ ادا 10 بلین ٹری سونامی پروگرام ءِ چیر دستی ءَ نھال کشگ ءِ گامگیج ءَ گوں گشتانک دیان ءَ کت۔ اے موہ ءِ سر ءَ بنجاھی وزیر اھوالکاری ءُ شنگ کاری ءَ نھال کشت ءُ اے گامگیج ءِ بندات کت۔
