اسلام آباد۔2اکتوبر (اے پی پی):ملک ءِ نامداریں ازمکار، کامیڈی ءِ بادشاہ ءُ لیجنڈ عمر شریف باز دیراں نادُراھی ءَ چہ پد بیران بوت۔ میڈیا ءَ شمبے ءِ روچ ءَ ھاندان ءِ گوما نزیکی ءَ چہ پد آئی ءِ مرگ ءِ ھال ءَ را پکو کتگ ءُ گوشتگ کہ نامداریں ازمکار عمر شریف وتی زال ءِ ھمبراھی ءَ علاج ءِ واستہ امریکہ ءَ روگ ءَ بوتگ۔ عمر شریف ءَ را جرمنی ءِ شہر برلن ءِ ہسپتال ءَ داخل کنگ بوتگ۔ ادا آئی ءَ گڈی نپس کشتگ۔ ھدا مرزی عمر شریف 19 اپریل 1955 ءَ پیداک بوتگ۔ آ یک پاکستانی ازمکار، تژن ءُ بچکند کنوک، سوجکار، پروڈیوسر ءُ ٹیلی ویژن ءِ نامداریں بامرد ءِ بوتگ ءُآ ئی نام دگنیا ءِ اندر ءَ باز نامدار بوتگ۔ آئی ءَ وتی ازمکاری ءِ بندات 14 سال ءِ امبر ءَ چہ اسٹیج پرفارم ءِ رنگ ءَ کراچی ءَ کیریئر ءِ بندات کتگ۔ شمبےءِ روچ ءَ دائمی سپر ءِ واستہ عمر شریف 66 سال ءِ امبر ءَ دگنیا ءَ چہ روادگ بوت۔
