اسلام آباد۔ 01 اکتوبر (اے پی پی) وزیراعظم عمران خان ہدف آن زیات خراج ہلنگ آتیا مچ آ قوم و فیڈرل بورڈ آف ریونیو (ایف بی آر) ءِ مبارکبادی تسنے۔ جمعہ نادے آ تینا ٹویٹ اٹی وزیراعظم عمران خان پارے کہ ایف بی آر اینخو مالی سال 2021-22نا اولیکو سہ ماہی کن مقررہ 1211ارب روپئی نا ہدف نا مقابلہ ٹی 1395ارب روپئی نا خراج کٹیا مچ کرینے۔ اوپارے کہ تخوک آ ہدف آن زیات خراج مچ کننگ آ قوم ءِ مبارکبادی ایتیوہ۔ وزیراعظم پارے کہ اینخو مالی سال انا اولیکو سہ ماہی ٹی خراج ہلنگ تدوک آ مالی سال انا ہندا وخت انا کٹیا ٹی 38 درسد نمو نا نشانی ءِ۔
