اسلام آباد۔ 01 اکتوبر (اے پی پی) چیئرمین سینیٹ محمد صادق سنجرانی جنگ و جیوگروپ نا بانی میر خلیل الرحمان ایماندار نا اُرائی محمودہ خلیل الرحمان نا کزیت آ است ہسونی نا درشانی ءِ کرینے۔ ایماندار محمودہ خلیل الرحمان، میر شکیل الرحمان نا لمہ و میر ابراہیم رحمان نا بلہ ئس۔ چیئرمین سینیٹ دعا کرے کہ اللہ تبارک و تعالیٰ ایماندار نا بخشش و درجہ غاتے بڑز کے و غمزدہ خاہوت ءِ دا صدمہ ءِ سگ وحوصلہ اٹ سگنگ نا توفیق ایتے۔ ڈپٹی چیئرمین سینیٹ سینیٹر مرزا محمد آفریدی ، سینیٹ اٹی قائد ایوان سینیٹر ڈاکٹر شہزاد وسیم ، قائد حزب اختلاف سینیٹ سینیٹر سید یوسف رضاگیلانی ئسک ہم جنگ و جیو گروپ نا بانی میر خلیل الرحمان ایماندار نا اُرائی محمودہ خلیل الرحمان نا کزیت آ است ہسونی نا درشانی ءِ کرسا تینا جتا جتا ہڑزخواہی کلہو آتے ٹی اللہ تعالیٰ آن ایماندار نا بخشش و درجہ غاتا بڑزی کن دعا کرے۔
