اسلام آباد۔30ستمبر (اے پی پی): بنجاھی وزیر برائے نیشنل فوڈ سیکورٹی اینڈ ریسرچ سید فخر امام ءِ نواب آف جونا گڑھ نواب محمد جہانگیر خانجی، چیئرمین مسلم انسٹیٹیوٹ ءُ دیوان آف جونا گڑھ صاحبزادہ سلطان احمد علی ءَ گوں گند ءُ نند کت۔ پنچ شمبے ءَ بوھوکیں گند ءُ نند ءِ ساھت ءَ بنجاھی وزیر برائے نیشنل فوڈ سیکورٹی اینڈ ریسرچ سید فخر امام ءَ گوشت کہ جونا گڑھ ءِ پاکستان ءَ گوں ھوار بوھگ قائداعظم محمد علی جناح ءِ واب بوتگ، ایشی ءِ پیلو کنگ مئے پرز انت۔ نواب آف جونا گڑھ نواب محمد مہابت خانجی ءَ پاکستان ءَ را منت اتگ۔ جونا گڑھ مئے تاریخی ءُ کانودی ھک انت ءُ زندگیں راج وتی ھک ءَ چہ دست کش نہ بنت چوش کہ ما وتی ھک ءِ واستہ جنگ کناں جونا گڑھ ءَ تپنگ ءِ سر ءَ ریفرنڈم ءَ ما نہ مناں۔ آئی ءَ گوشت کہ مزن وزیر پاکستان نوابزادہ لیاقت علی خان ءَ ساپ گوشتگ بوتگ کہ بھارتی ارد آنی کبزہ ءِ تہ ءَ ریفرنڈم بوت نہ کنت ءُ میاں اوستمانی کانود آنی رد ءَ جونا گڑھ پاکستان ءِ بھر انت۔
