اسلام آباد۔30ستمبر (اے پی پی): وزیر ءِ مملکت برائے موسمی مٹ ءُ بدلی زرتاج گل ءَ گوشت کہ گوستگیں سروک آں وتی کرپشن ءِ چیر دیگ ءِ واستہ آف شور کمپنی جوڑ کتگ، آواں ملک ءَ را تباہ کتگ ءُ ورنا آناں کورچاتاں تیلانک داتگ، استیں حکومت الس ءِ جوابدہ انت ءُ ھمک سال الس ءَ را وتی کار کرد ءُ سیم سر آنی بابت ءَ سرپد کناں، مزن وزیر عمران خان ءَ ورنا آناں دیم ءَ آیگ ءِ موہ داتگ۔ اے ھیالانی درشانی آئی ءَ پنچ شمبے ءِ روچ ءَ نیشنل یوتھ کونسل ورکشاپ ءِ مراگش ءَ گوں گشتانک دیان ءَ کت۔ آئی ءَ گوستگیں وھد ءَ پاکستان ءِ بیڑا گرک کتگ۔ اے موہ ءَ گوں تران کنان ءَ مزن وزیر ءِ ھاسیں کمکار برائے ورنا آنی کار عثمان ڈار ءَ گوشت کہ گوستیں وھد ءَ ورنا آناں ڈلگچار کنگ بوتگ۔ 18 ھژدھمی کانود ءِ مٹ ءُ بدلی ءَ چہ پد ورنا آنی کار آناں صوبگ آنی ھوالگ کنگ بوتگ۔ آئی ءَ گوشت کہ ما ورنا آناں وت مستر کنگ ءِ واستہ نیشنل یوتھ کونسل برجا کتگ، مزن وزیر عمران خان اے کونسل ءِ پیٹرن انچیف انت، نیشنل یوتھ کونسل جوڑ کنگ ءِ بنیاتی مول ءُ مراد ورنا آناں روزگار ءِ موہ پجاری کنگ انت۔
