اسلام آباد۔ 30 ستمبر (اے پی پی) بنجائی وزیر توانائی حماد اظہر پارینے کہ 660 کے وی مٹیاری آن لاہور ڈٹ آن بجلی نا ٹرانسمیشن نا ویل آتا ایسری ٹی کمک رسینگک، ہراتم ننا حکومت بس تو دا ڈٹ کاغد آتے ٹی ئس ہرادے کورونا دین انا حالیت آن پد ہم وخت آ پورو کننگانے۔ پنچ شنبے نادے آ داڑے 660 کے وی مٹیاری آن لاہور ٹرانسمیشن لائن ڈٹ انا بنداوی دود آن تران کرسا بنجائی وزیر پارے کہ داڈٹ آن بجلی نا فراوانی نا ویل آتا ایسری ٹی کمک رسینگک۔ اوپارے کہ کورونا نا ویل آتیان پد ہم ڈٹ ءِ وخت آ پورو کننگانے۔ اونا پاننگ ئس کہ تدوک آ شش تُواٹی ڈٹ انا مسہ ریسہ غاتے ٹی ٹیسٹنگ کننگا، اولیکو ریسہ ٹی اسہ ہزار، ارٹ میکو ٹی 3 ہزار و مسٹ میکو ریسہ ٹی 4 ہزار میگاواٹ بجلی نا فراوانی ءِ ٹیسٹ کننگا۔ بنجائی وزیر پارے کہ 886 کلومیٹر مریس دا ڈٹ توانائی نا بشخ اٹی تاریخی حیثیت تخک۔ اوپارے کہ سی پیک نا غٹ ڈٹ آک اہم ءُ انتئے کہ سی پیک ننا زرگزران نا اہم ءُ تمبہ اسے۔ اونا پاننگ ئس کہ ملک اٹ بجلی نا پیدوار و ترسیل نا ویل آتا چٹفنگ کن گام گیج کننگ انگ ءِ۔
