ہکلہ ڈی آئی خان ءِ 15 نومبر آ ٹریفک کن ملنگک، بنجائی وزیر مواصلات و پوسٹل سروسز مراد سعید

اسلام آباد۔ 30 ستمبر (اے پی پی) این ایچ اے سی پیک نا اہم ڈٹ ہکلہ ڈی آئی خان ءِ 15 نومبر آ ٹریفک کن ملنگک، دااہم ڈٹ آ عملی کاریم 2019اٹی بناکریسس۔ این ایچ اے دااہم ڈٹ آ پیش رفت نا بابت ویڈیو اس ہم جاری کرے۔ دابابت بنجائی وزیر مواصلات وپوسٹل سروسز مراد سعید تینا بیان اٹی پارے کہ سی پیک ناڈٹ آن نئے بیرہ فاصلہ کم مس بلکن مخلوق ءِ روزگار نا وارخواہی ہم ملانے۔ سی پیک نئے بیرہ پاکستان بلکن ڈیہہ نا شونداری نا ضامن ڈٹ ءِ۔مراد سعید چین نا حکومت نا ہم منت واری ءِ ہرفے کہ او بروک آ ریسہ کن دیکی روٹ انا اہم ڈٹ آتا منظوری ءِ تسنے۔ اوپارے کہ تدوک آ ہفتہ مروک آ جے سی سی دیوان اٹی سوات موٹروے، دیر چترال موٹروے و پشاور ڈی آئی خان موٹروے ، سی پیک نا دیکی روٹ انا منظوری مسنے۔ بنجائی وزیر معاصلات پارے کہ داڈٹ آتیان نئے بیرہ دیر، سوات،چترال، باجوڑ وگلگت ءِ شونداری و روزگار ملک بلکن داجاگہ نا سیل وسوات ءِ ہم مون آ دننگک۔ مراد سعید پارے کہ پشاور ڈی آئی خان موٹروے نا ڈٹ کوہاٹ، کرک، لکی مروت، ڈی آئی خان، ژوب و اوار مروک ضلع غاتے شونداری نا کنڈآ دیک۔ اوپارے کہ دا ڈٹ آتیان داعلاقہ نا مخلوق ءِ شونداری نا پوسکن ءُ وارخواہی دُوبریک۔