مظفرآباد۔ 30 ستمبر (اے پی پی) وزیراعظم آزاد کشمیر سردار عبدالقیوم نیازی پارینے کہ وزیراعظم پاکستان عمران خان نا وژن نا رداٹ آزاد کشمیر اٹی کلین اینڈ گرین ڈٹ ءِ سرسہب کینہ۔ او دومیل نا ہندآ کلین مظفرآباد مہم نا اناگت جاچ ءِ ہلنگ نا وخت آ گپ وتران کریکہ۔ داوخت آ ساڑی تعلقدار کمامدارآک وزیراعظم ءِ کلین مظفرآباد مہم نا بارواٹ حوال تسر۔ وزیراعظم آزاد کشمیرغٹ تعلقدار ادارہ غاتے آخبتی بنداو تیا سفائی نا خیال ءِ تخنگ نا پارت کرے۔ اوپارے کہ چاگڑد ساف ستھرا مریک تو ڈیہہ نا زیبائی ٹی ودکی اتون اوار اوار سیل وسواتی تا است خواہی ودک۔ وزیراعظم آزاد کشمیر مستی پارے کہ وزیراعظم پاکستان عمران خان نا وژن نا رداٹ آزاد کشمیر اٹی کلین اینڈ گرین ڈٹ ءِ سرسہب کینہ۔ اوتعلقدار کمامدارآتے پارت کرے کہ سفائی مہم اٹی الس ءِ مشکل آتیان بچفنگے، ٹریفک نا روانی تون اوار اوار الس نا غٹ آسراتی تا خیال ءِ تخنگے۔ اوشاری تیان خواست ہم کرے کہ او کلین مظفرآباد مہم ءِ سرسہب کننگ کن پبی کڑد ادا کیر۔
