اسلام آباد۔29ستمبر (اے پی پی): مزن وزیر عمران خان ءَ گشتگ کہ انوگیں حکومت ءَ اولی رندءَ کشتء ُکشاری پڑ ءِ گہتر ی ءِ ھاتر ءَ باز جوانیں گامگیج چست کتگ، کشتء ُ کشاری پڑءَ نوکی ء ُ دھکانانی وش حالی حکومت ءِ اولی دلگوشی اِنت۔ اے ھیالانی درشانی آئی ءَ چارشمبےءِ روچءَ کشتء ُ کشاری پڑءِ دیمروئی ءِ ھاترءَ مزن تک ءِ دیوان ءِ سروکی کنان ء َ کتگ۔ دیوان ءَ حزانگءِ بنجاہی وزیر شوکت فیاض ترین، راجی سلامتی ءِ صلہ کار معید یوسف، حاسیں کمک کار ڈاکٹر شہباز گِل، جمشید اقبال چیمہ ء ُ ہمگرنچیں حکام ہوار بوتگ اَنت۔ وہدے کہ چاریں صوبہ آنی چیف سیکرٹری ویڈیو لنک ءِ وسیلگ ءَ ہوا ر بوتگ اَ نت۔ دیوان ءَ را حال دیئگ بوتگ کہ وردن ء ُوراک ءِ پلگارگ ء ُ رکینگ ڈیش بورڈ ءَ را گندم ءِ ھاترءَ سرجم ءَ فعال کنگ بوتگ، ڈیش بورڈ ءَ تحصیل ، ضلع ، ڈویژن ، صوبہ ءُ ملکی تک ءَ گندم ءِ لوٹ ءُ رسگ ءِ اعشاریہ اَست اَنت۔ دیوان ءَ را ھال دیئگ بوتگ کہ گندم ءَ پد ڈیش بورڈ ءِ تہا گندم ء ُ ایندگہ وردن ء ُ وراک ءَ ہوار کنگ ءِ عمل ءَ را زوتاں چہ زوت سرجم کنگ بہ بیت۔ ایشی ءَ پد دیوان ءَ را ایگریکلچرل ٹرانسفارمیشن پلان ءِ سرءَ شونست دیئگ بوتگ۔ دیوان ءَ را زیتون ءِ رون ء ُ موش ء ُ دھکان کارڈ ءِ سرءَ بوتگیں کاراں چہ سرپد کنگ بوتگ۔
