اسلام آباد۔29ستمبر (اے پی پی): ملک مستر ڈاکٹرعارف علوی ءَ فاصلاتی وانگ ء ُ زانگ ء ُ ای لرننگ ءَ را گیش کنگ ءِ سرءَ زور پرداتگ ء ُ گشتگ کہ اے رھبند باز ارزان اِنت ء ُبازیں مردمیں چہ ایشی ءَ پائدگ چست کُت کناں، ورچوئل یونیورسٹی ءِ رسد ءَ را گیش کنگ المی اِنت تنکہ ملک ءِ دورء ُدراجیں دمگانی نودبر آن لائن وانگءُزانگءَ چہ پائدگ چست کُت بہ کن اَنت۔ ملک مستر ءَ اے ھیالانی درشانی ایوان صدر ءَ ورچوئل یونیورسٹی آف پاکستان ءِ ہوالگءَ شونست داتگ ء ُ کتگ۔ ۔ ریکٹر ورچوئل یونیورسٹی پروفیسر ڈاکٹر ارشد سلیم بھٹی ءَ دیوان ء َ را آن لائن وانگ ء ُ زانگ ءُ فاصلاتی وانگ ء ُ زانگ ءَ را گیش کنگ ءَ یونیورسٹی ءِ کردءَ چہ سرپد کتگ۔ آئی ءَ اے گپ ءِ سرءَ چمشانکی داتگ کہ انو 100،000 نودربر بازیں پڑآں داخل اَنت ء ُ 80،000 ءَ چہ گیش نودربر یونیورسٹی ءَ چہ وانگ ہلاس کتگ۔ دیوان ءَ گوں تران کتگء ُملک مستر ءَ یونیورسٹی انتظامیہ ءَ گوں گشتگ کہ آ ڈیجیٹل وہد ءِ ضلورت ءِ ردءَ یونیورٹی ءِ ھاترءَ نوکیں وژن ءُباندات ءِ منصوبہ ءَ جوڑ بہ کنت۔ آئی ءَ ہائر ایجوکیشن ( ایچ ای سی) ءِ سرءَ ہم زور پر داتگ کہ آ ورچوئل ایجوکیشن ءِ ھاترءَ وتی پالیسی ءَ گڑی دروشم دیئگ ءَ وتی کاراں گشاد بہ کن اَنت کہ ایشی ءَ چہ ملک ءِ دورء ُدراجیں دمگاں نودربراں پائدگ رسیت۔
