اسلام آباد۔29ستمبر (اے پی پی): حالء ُ اھیوال کاری ء ُ شنگکاری ءِ بنجاہی وزیر چوہدری فواد حسین ءَ گشتگ کہ شہباز شریف 25 ارب کلدار ءِ کرپشن ءِ پسو ءِ دیئگ ءِ بدل ءَ دروگ ءُ پندل سازگ ءَ اِنت، آ دولت کہ آئی ءَ دُز اِتگ اَنت آ مئے نیاں پاکستان ءِ اُلسءِ زر ء ُ مڈی اَنت، دروگ بندگ شریف حاندان ءِ عادت ء ُکسب جوڑ بوتگ، دو روچ پیسر ہم دروگیں حال شنگ کنگ بوتگ اَنت، لندن ءَ سلمان شہباز ءِ ھلاپ ءَ کیس حکومت ءِ نیمگ ءَ چہ دیم دیئگ نابوتگ، کیس ءَ تہا پٹ ء ُ پول ء ُ جست ء ُپُرس برطانیہ ءِ نیشنل کرائم ایجنسی ءَ وتی ھساب ءَ وت کتگ، دروگیں نیوز شنگ کنوکاناں شری ءَ پجار کاراں ، شہباز شریف ءِ حلاپ ءَ پاکستان ءَ دو مقدمہ اَست اَنت ، نیب لاہور ءَ 7 ارب 32 کروڑ کلدار ءِ یک کیسے کتگ وہدے کہ دومی کیس 25 ارب کلدار ءِ کرپشن ایگ اِنت، العربیہ ء ُ رمضان شوگر ملز ءِ وسیگ ءَ 25 ارب کلدار ءِ منی لانڈرنگ کنگ بوتگ، مئے لوٹ اِنت کہ اے کیس ہم روچ گوشدارگ بہ بنت، اے کسی ذاتی پیسہ نیاں راج ءِ پیسہ اَنت۔ اے ھیالان درشانی آئی ءَ چارشمبے ءِ روچءَ مزن گس ءَ میڈیا ءَگوں گپ ء ُتران کنان ءَ کتگ۔ اے موہ ءَ حال ء ُ اھیوال کاری ء ُ شنگکاری ءِ ملکی وزیر فرخ حبیب ہم ساڑی بوتگ۔ حال ء ُ اھیوال کاری ءُ شنگکاری ءِ بنجاہی وزیر چوہدری فواد حسین ءَگشتگ کہ برطانوی ادارگ ءَ مئے یونٹ ءَ گوں نزیکی کتگ ءُ ہُنڈی ءَ چہ دیم داتگیں زرانی معلوم داری لوٹ اِتگ۔ آئی ءَگشتگ کہ شہباز شریف ءِحلاپ ءَ پاکستان ءَ دو مقدمہ اَست اَنت۔ یک کیس نیب لاہور ءَ شہباز شریف، بانک نصرت شہباز ، حمزہ شہباز ء ُ سلمان شہباز ءِ حلاپ ءَ اَست اَنت کہ 7 ارب 32 کروڑ کلدار ءِ ریفرنس اِنت وہدے کہ دومی کیس 25 ارب کلدار ءِ کرپشن ایگ اِنت کہ آئی ءِ تہا شوگر انکوائری کمیشن ءِ جستءُ پُرس بوتگ۔ آئی ءَ گشتگ کہ کابینہ ءَ 23 جون 2020 ءَ ایکشن میٹرک جوڑ کتگ، کابینہ ءَ اے جیڑہ ءِ ہوالگءَ جست ءُپُرس ءُ چارتپاسی کنگ ءِ فیصلہ کتگ۔ آئی ءَ گشتگ کہ حزانت ءِ وزیر شوکت ترین ءَ را سینیٹءِ باسک جوڑ کنگ ءِ فیصلہ کتگ، مزن گسی وزارت ء ُ قانودءِ وزارت معلوم داری ءَ جوڑ کنگ ءَ اِنت، ہرچی فیصلہ بیت اے ہوالگءَ سرپد کنگ بیت۔
