اسلام آباد۔ 29 ستمبر (اے پی پی) بنجائی وزیر مواصلات وپوسٹل سروسز مراد سعید پارینے کہ وزیراعظم عمران خان نا وژن نا رداٹ شونداری ڈٹ آتے ٹی شفافیت اتینہ و ڈٹ آتا وخت آ پوروی ءِ پک کننگک، لاہور اسلام آباد100 کلومیٹر آن زیات موٹروے تفنگ آ الس نا ارب آ روپئی نا نسخان مسنے وخت اس کہ پاکستان تحریک انصاف کم خڑچ آ موٹروے جوڑ کننگ ءِ۔ داخیال آتا درشانی ءِ او چارشنبے نادے آ جھل جھاؤ۔ بیلہ شاہراہ نا بحالی و اپ گریڈیشن نا بنداو نا دود آن تران کرساکرے۔ بنجائی وزیر پارے کہ کوئٹہ غان کراچی 796کلومیٹرسڑک نا تفنگ آ کاریم برجاءِ۔ ہوشاب۔ آواران شاہراہ غا تعمیراتی کاریم ترندی اٹ برجاءِ، شاہراہ نا تفنگ علاقہ نا شونداری ٹی اہم ءُ کڑد اس اداکیک۔ جھل جھاؤ۔ بیلہ سویلی بلوچستان نا اسہ اہم ءُ شاہراہ اسے، بلوچستان و خیبرپختونخوا نا پسماندہ علاقہ غاتے ٹی سڑک آتا تفنگ آن الس نا زند انا آب اٹ گچینی بریک۔ اوپارے کہ سویلی پنجاب، میانوالی ومظفرگڑھ اٹ مخلوق ءِ مشکل مون تروک ئس۔ اوفتا مشکل آتا ایسری کن وخت آ گام گیج کینہ۔ بنجائی وزیر پارے کہ سویلی خیبرپختونخوا دیر وسوات اٹی سی پیک نا بھرم ملنگ ءِ۔ اوپارے کہ مست انا نسبت ساڑی حکومت کم خڑچ اٹ شاہراہ تا پوروی ءِ پورو کرینے۔ وزیراعظم نا وژن نا رداٹ شاہراہ تا تفنگ اٹ شفافیت ءِ پک کننگانے و ہرجاگہ غا قوم انا پیسہ غاتے بچفینن۔ اوپارے کہ مستین اٹ اسلام آباد آن لاہور اسکان 100 آن زیات کلومیٹر موٹروے نا تفنگ آ زیات خڑچ کننگاسس وخت اس کہ پاکستان تحریک انصاف نا حکومت کم خڑچ آ موٹروے جوڑ کننگ ءِ۔ پی ٹی آئی تعمیراتی ڈٹ آتے ٹی شفافیت نا سوب آن قوم انا پیسہ غاتے بچفینے۔ اوپارے کہ ننے آ زمواری مریک کہ نن قوم انا پیسہ غاتے زیان مننگ آن بچفن۔ اوپارے کہ مستین آنبار نن موٹروے وام ہلسا جوڑ کپننگ اُن بلکن بی او ٹی نا رداٹ زرکاری نا بنداو آ تفنگ اُن۔ اوپارے کہ وزیراعظم عمران خان نا وژن نا رداٹ غٹ صوبہ غاتے ٹی شفافیت ءِ پک کننگک و ڈٹ آتے وخت آ ایسر اسکان سرکینہ و این ایچ اے ءِ مون آ دیوہ ۔
