اسلام آباد۔ 29 ستمبر (اے پی پی) بنجائی وزیر صنعت وپیداوار خسروبختیار پارینے کہ نن موبائل کمپنی تا پاکستان اٹی ودوک آ زرکاری نا ستاءِ کینہ، اوپو مینوفیکچرنگ پلانٹ نا تفنگ کن حکومت پاکستان پورو کمک فراوان کیک، صنعت آتا پیدواری و درآمدی لائخی ءِ ودفنگ ننا اولیت ءِ۔ داخیال آتا درشانی ءِ او پاکستان اوپو موبائل نا سی ای او جارج لانگ تون گپ وتران کرسا کرے ہرا چارشنبے نادے آ داڑے اوڑتون اوڑدہی کرے۔ اوڑدہی ٹی پاکستان اوپوسی ای او کمپنی نا پاکستان اٹی پوسکن آ زرکاری نا بارواٹ معلومدار کننگا۔ داوخت آ بنجائی وزیر پارے کہ نن موبائل کمپنی تا پاکستان اٹی ودوک آ زرکاری نا ستاءِ کینہ، و اوپو مینوفیکچرنگ پلانٹ نا تفنگ کن حکومت پاکستان پورو کمک فراوان کیک۔ صنعت آتا پیدواری و درآمدی لائخی ءِ ودفنگ ننا اولیت ءِ۔ داوخت آ سی ای او اوپو پاکستان پارے کہ اوپو کمپنی پاکستان اٹی موبائل مینو فیکچرنگ پلانٹ اس خلیک۔ 5ملین موبائل فون سیٹ سالانہ پاکستان اٹ تیار کننگک۔ اوپارے کہ کمپنی پاکستان اٹی تیار مروک موبائل درآمدکننگ نا ہم ارادہ تخک۔ پاکستان اٹی موبائل فون نا پوسکن آ ٹیکنالوجی ءِ گدریفنگ کن ریسرچ سینٹر اس ہم جوڑ کننگک۔
