اسلام آباد۔ 29 ستمبر (اے پی پی) بنجائی وزیر حوالکاری وشینکاری چوہدری فواد حسین پارینے کہ راولپنڈی اسلام آباد تون اوار ہشت شاراٹی کورونا دین انا سوب آن بند سینما تے ملنگ نا موکل تننگانے۔ چارشنبے نادے آ تینا اسہ ٹویٹ اسے ٹی او پارے کہ اومیت ءِ لاہور و کراچی نا انتظامیہ ویکسی نیشن ڈرائیو ءِ ودفرہ تانکہ بروک آ دہ دے اٹی ہمو شارتا سینماک ہم ملنگ کیر۔ بنجائی وزیر حوالکاری تینا ٹویٹ اٹی این سی او سی نا دیوان اٹی کروک آ فیصلہ غاتا نوٹیفکیشن ءِ ہم شیئرکرے۔
