اسلام آباد۔ 29 ستمبر (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و نیشنل کمانڈ اینڈ آپریشن سینٹر (این سی او سی) نا سروک اسدعمر پارینے کہ این سی اوسی نا دیوان اٹی کورونا ویکسین خلفپروک آ بندغ آتیا پابندی خلنگ نا فیصلہ کننگانے۔ چارشنبے نادے آ تینا ٹویٹ اٹی اوپارے کہ دیوان اٹی کورونا دین انا کیس آتے ٹی کمتی بننگ نا چندی شارتے ٹی نرمی نا پڑو ءِ کرینے۔ اوپارے کہ 8 شاراٹی کورونا دین انا بابت نافذ العمل ایس او پی تیٹی نرمی نا پڑو کننگانے۔ داشارتے ٹی کوئٹہ، پشاور، اسلام آباد، راولپنڈی،میرپور، مظفرآباد، گلگت و سکردو اوار ءُ۔ پابندی تیٹی نرمی نا اطلاق یکم اکتوبر 2021 آن مریک وخت اس کہ ویکیسن خلفپروک آ بندغ آتیا پابندی خلنگ نا فیصلہ ءِ کننگانے۔ اوپارے کہ دادین آن پیش تمنگ نا اسٹ انگا کسر ویکسین ءِ ولے ہراڑے کورونا دین و ویکسین خلفپروک آتا کچ زیات مریک ہموڑے ایس او پی تا سخت پابندی نافذ کننگک۔
