ڈیرہ اسماعیل خان۔ 29 ستمبر (اے پی پی) بنجائی وزیر امور کشمیر و گلگت بلتستان سردار علی امین خان گنڈہ پور پارینے کہ ننا کوشست ءِ کہ مچ آ صوبہ خاص وڑاٹ ڈیرہ اسماعیل خان اٹ مخلوق ءِ جان جوڑی نا بشخ اٹ گچین آسراتی فراوان کننگے، نیوروسرجیکل وارڈ انا جوڑ کننگ کن 5 کروڑ روپئی نا فنڈ منظور مسنے، چلڈرن ہسپتال نا جوڑ کننگ کن اے ڈی پی ٹی …
جان جوڑی نا بشخ اٹی پی ٹی آئی حکومت انقلابی گام گیج کرینے، علی امین گنڈاپور
گیشتریں ھال
ڈیرہ اسماعیل خان۔ 29 ستمبر (اے پی پی) بنجائی وزیر امور کشمیر و گلگت بلتستان سردار علی امین خان گنڈہ پور پارینے کہ ننا کوشست ءِ کہ مچ آ صوبہ خاص وڑاٹ ڈیرہ اسماعیل خان اٹ مخلوق ءِ جان جوڑی نا بشخ اٹ گچین آسراتی فراوان کننگے، نیوروسرجیکل وارڈ انا جوڑ کننگ کن 5 کروڑ روپئی نا فنڈ منظور مسنے، چلڈرن ہسپتال نا جوڑ کننگ کن اے ڈی پی ٹی ڈٹ آتے اوار کننگانے، کارڈیالوجی وارڈ انا ہم منظوری مسنے، ڈیرہ اسماعیل خان اٹی بنداوی جان جوڑی ہند و ریجنل ہیلتھ سینٹرآتے ٹی زیات آن زیات آسراتی فراوان کننگ انگ ءِ تانکہ جان جوڑی نا بشخ اٹ علاقہ نا بھلا ہسپتال آتے ٹی ناجوڑآتا بھاریم کم مرے۔ داخیال آتا درشانی ءِ او سرکٹ ہاؤس ڈیرہ اسماعیل خان اٹ صوبائی وزیر جان جوڑی خیبرپختونخواتیمور سلیم جھگڑا تون پریس کانفرنس آن تران کرسا کرے۔ داوخت آ پی ٹی آئی نا راہشون نواز خان و بنجائی وزیر نا پرسنل سیکرٹری لطیف خان نیازی ئسک ہم ساڑی ئسر۔ بنجائی وزیر علی امین گنڈاپور پارے کہ جان جوڑی تون اوار ایلو بشخ آتے ٹی پین گچینی کن الس ننتون تفے، جان جوڑی کارڈ انا فراوانی تون اوار جان جوڑی نا بشخ اٹ پی ٹی آئی حکومت انقلابی گام گیج کرینے۔
