اسلام آباد۔ 29 ستمبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ وزیراعظم عمران خان نا وژن نارداٹ برآمد آتے ٹی ودکی خاص وڑاٹ دوائی تا برآمد آتے ٹی ودکی ننا حکومت نا اولیت ہنداخاطرآن دوائی تا برآمد آتے ٹی ودکی کن آب ءِ گچین کروئی مریک۔ ،چارشنبے نادے آ ہندی ہوٹل اٹ اولیکو فارماسمٹ آن تران کرسااوپارے کہ ہراانویسٹمنٹ کوالٹی ءِ گچین جوڑ کننگ کن کاریم اٹ اتنگک اوڑآن نئے بیرہ فارماسیوٹیکل نا کاروبار اٹ ودکی مریک بلکن دوائی تا برآمد آتے ودفنگ اٹ ہم کمک رسینگک۔ اوپارے کہ ہراتم کمپنی اس تینا مصنوعات آتے جہانی آب انا رداٹ تیار کیک تو ایلو دوائی جوڑ کروک کمپنیک ہم داکمپنی نا تقلید ءِ کیرہ۔ اوپارے کہ ہرا انویسٹمنٹ گچین کوالٹی کن شاغنگک لازمااو نئے بیرہ داکمپنی نا کاروبار اٹ ودکی کیک بلکن او کمپنی الس نا اومیت آتے ہم پورو کیک۔ اوپارے کہ دوائی والاکمپنیک اگہ پاکستان اٹ تینا آب ءِ گچین آن گچین کیر تو الس نا پت ہم اوفتیا گچین مریک و اونا پاکستانی راج اٹ ہم ستاءِ کننگک انتئے کہ داڑآن الس ءِ بڑزکو آب انا دوائی ہم دوبننگ کیک۔ اوپارے کہ دوائی جوڑ کننگ ہندن ءُ بشخ اسے ہراڑآن الس، حکومت و راج ءِبھاز زیوت اومیت ارے۔ ہرافتیا پورو سلنگ کن جہانی کہول انا آب ءِ تینا کننگ بھاز المی ءِ۔ بھلو خوشی سے نا ہیت ءِ کہ پاکستان نا گڑاس کمپنی جہانی آب انا مزل ءِ دوئی کرینو وخت اس کہ ایلوکمپنیک دامزل اسکان سرمننگ کن کوشست کننگ ءُ۔ اوپارے کہ ہراتم کمپنی اس بھلا و جہانی کمپنی کن کاریم کیک تو اونا مینو فیکچنگ پلانٹ، عملہ و چاہندارآتا تربیت و کوالٹی ایشورنس اٹ ودکی مریک و داننا سرسہبی اس مریک۔
