اسلام آباد۔ 29 ستمبر (اے پی پی) اسپیکر قومی اسمبلی اسد قیصر پارینے کہ راشد میموریل ٹرسٹ انا راجی بشخ اٹ خذمت ستاکڑزک۔ صوابی ٹی عالم آباد ویلفیئر کمپلیکس اٹی پاک فضائیہ و راشد میموریل ٹرسٹ انا کڑد سفت نا قابل ءِ، پاکستان بیت المال نا نیزگار ناجوڑ آتا مالی کمک ءِ کننگ ستاکڑزک۔ داخیال آتا درشانی ءِ او ایم ڈی بیت المال ظہیر عباس کھوکھر تون گپ وتران کرسا کرے ہراچارشنبے نادے آ اوڑتون اوڑدہی کرے۔ اوڑدہی ٹی مسکوہی ایئرچیف سہیل امان ہم ساڑی ئسک۔ اوڑدہی ٹی صوابی ٹی عالم آباد ویلفیئر ٹاون نا جوڑ کننگ آ گپ وتران کننگا۔ داوخت آ اسپیکر قومی اسمبلی اسد قیصر پارے کہ راشد میموریل ٹرسٹ نا راجی بشخ اٹی خذمت ستاکڑزک۔ صوابی ٹی عالم آباد ویلفیئر کمپلیکس اٹی پاک فضائیہ و راشد میموریل ٹرسٹ انا کڑد سفت نا قابل ءِ۔ داوخت آ اسپیکر ءِ پاننگاکہ پاکستان ویلفیئر ٹاؤن نا جوڑ کننگ آن نئے بیرہ صوابی بلکن صوبہ خیبرپختونخوا نا بے سیبو و چوری آ چنا، جنوزان و ایلونادار و نیزگار خاہوت ءِ ہنکین تون اوار اوار تعلیم، جان جوڑی و ایلو بنداوی آسراتی دُوبریک۔ ایم ڈی بیت المال اسپیکر ءِ حقدار بندغ آتا راجی آسراتی کن پاکستان بیت المال نا کارکڑد انا بارواٹ حوال تس۔ اسپیکر قومی اسمبلی پارے کہ پاکستان بیت المال نا نیزگار ناجوڑ آتا مالی کمک ءِ کننگ ستاکڑزک۔ اسپیکر نیزگار ناجوڑ آتا درمان نامفت آسراتی فراوان کننگ و سویٹ ہوم تیٹی چوری آ چناتے آسراتی فراوان کننگ نا بابت پاکستان بیت المال نا کڑد انا ستاءِ کرسا پارے کہ اسلامی آسودہی ریاست نا کمک اٹ ننے پاکستان اٹ انسانیت نا نظام ءِ اتنگ نا ءِ۔ نیزگار آتے بریبر حق تننگ ریاست نا زمواری مریک۔ حکومت نا نیزگار و نزور تپہ غاتے بڑزآاتنگ نا کوشست سفت نا قابل ءِ۔
