وزیراعلیٰ پنجاب سردار عثمان بزدار نا پارت آ ڈپٹی کمشنر سیالکوٹ زالبول رکشہ ڈیور نجمہ عارف ءِ 50ہزار روپئی مالیت نا کمکی چیک اس تس

سیالکوٹ۔ 28ستمبر (اے پی پی) وزیراعلیٰ پنجاب سردار عثمان بزدار نا پارت آ ڈپٹی کمشنر سیالکوٹ طاہر فاروق تینا آفس اٹ زالبول رکشہ ڈیور نجمہ عارف ءِ 50ہزار روپئی مالیت نا کمکی چیک اس تس۔ داوخت آ اسسٹنٹ کمشنر سیالکوٹ سونیا صدف ہم ساڑی ئسک۔ نجمہ عارف مالی امداد آ وزیراعلیٰ پنجاب و ضلعی انتظامیہ نا منت واری ءِ ہرفے۔ یات سلے زالبول رکشہ ڈیور نا منہ دے مست سوشل میڈیا سائیٹ آ انٹرویو چلینگاسس ہراڑآ وزیراعلیٰ پنجاب زالبول ءِ کمکی چیک اس تننگ نا پارت کرے۔