اسلام آباد۔ 27ستمبر (اے پی پی) وزیراعظم عمران خان اینو(دوشنبے نادے آ) کراچی نا اسہ دے ئی دورہ ءِ کیک۔ وزیراعظم آفس نا میڈیا ونگ آن جاری بیان نا رداٹ وزیراعظم کراچی ٹی پوسکن آ سرکلر ریلوائی نا بنداو ءِ تخک۔ بنجائی حکومت نا کراچی ٹی پبلک ٹرانسپورٹ ءِ جدت تننگ نا ویژن نا رداٹ کراچی سرکلر ریلوائی ءِ نئے بیرہ بحال کننگ انگ ءِ بلکن ساڑی آ نظام ءِ ودفنگ و جدت تننگ کن اسہ بھلو ڈٹ اسے نا بنداو ءِ تخنگ انگ ءِ۔ پوسکن آ سرکلر ریلوائی نا اسٹیشن ہنکینی ، صںعتی و دفتری علاقہ غاتے ملفک ہراڑآن کراچی ٹی نئے بیرہ ٹریفک نا ہن و بر کم مریک بلکن روزگار کن سفر کروک آ مسافر آتے آسراتی مریک۔ 207ارب نا جم خڑچ آن پورو مروک آ پوسکن آ کراچی سرکلر ریلوائی ڈٹ اٹی بجلی آن چلینگوک آ ٹرین تے اوار کننگک ہراڑآن کچٹی ءِ کم کننگ اٹ کمک رسینگک۔ اوکان پد وزیراعظم گورنر ہاؤس کراچی ٹی دیوان تا کماشی ءِ ہم کیک۔
