اسلام آباد۔ 27ستمبر (اے پی پی) قطر انا شاہدی خاہوت نا باسک شیخ علی بن عبداللہ ثانی الثانی چیئرمین سینیٹ محمد صادق سنجرانی نا خصوصی سلہ غا پاکستان آ سرمس۔ دوشنبے نادے آ سینیٹ سیکرٹریٹ نا رداٹ سینیٹر مہمانداری سینیٹر کہدہ بابر اسلام آباد نا جہانی بالی پٹ آ ڈل ءِ بخیر کرے۔ داوخت آ سینیٹر مہمانداری سینیٹر کہدہ بابر پارے کہ قطر انا شاہی خاہوت نا باسک چیئرمین سینیٹ نا خصوصی سلہ غا پاکستان نا دورہ غاٹی ءِ ہرانا مسخت ہڑتوم آ کنڈآتا کمکاری ءِ مون آ دننگ و تین پہ تینی رابطہ غاتے پین سوگو کننگ ءِ۔ اونا پاننگ ئس کہ پاکستان قطر اتون ہڑتوم آ کنڈآتا کمکاری ءِ قطر انا نظر اٹ ہرک، بڑزکو کہولی ڈل آتا ہن وبر آن تین پہ تینی کمکاری ءِ پین مون آ دننگک۔ شیخ علی بن عبداللہ ثانی الثانی جم و جوش اٹ بخیر کننگ آ سینیٹر کہدہ بابر و بڑزکو کمامدارآتا منت واری ءِ ہرفے۔

متعلقہ مضامینمصنف کی طرف سے مزید