بلوچستان اٹی ٹوررزانڈسٹری نا مون آ دننگ کن سیل وسواتی ہند آتا بحالی بھاز المی ءِ، گورنر بلوچستان نا سیل وسوات دے انا وخت آ کلہو

کوئٹہ۔ 27ستمبر (اے پی پی) گورنر بلوچستان سید ظہور احمد آغا پارینے کہ بلوچستان تینا قدرتی حسن و تاریخی ہند آتا سوب آن مچ آ دنیا نا سیل و سواتی تیکن کشش نا سوب جوڑ مننگ کیک۔ داخیال آتا درشانی ءِ او جہانی یوم سیل سوات نا وخت آ تینا کلہو اٹی پارے کہ ملک و صوبہ نا زرگزران ءِ سوگو کننگ کن سیل و سوات نا بشخ ءِ گوجالنگ مفک۔ اوپارے کہ بلوچستان اٹی ٹوررز انڈسٹری نا مون آ دننگ کن سیل وسواتی ہند آتا بحالی بھاز المی ءِ، داڑے آباد قومک متکن آ تہذیب و تمدن نا خواجہ ءُ۔ اوپارے کہ پوسکن آ چین ءِ تیناعظیم نوادرات و باقیات آتیان بایدے روشناس کرفنگے۔ اومستی پارے کہ سیل و سوات ءِ مون آ درسا نن سیل و سواتی تا چکار ءِ بلوچستان نا زیبائی و خاص وڑاٹ آثارقدیمہ نا کنڈآ کرفنگ کینہ اوپارے کہ اہل فکر و قلم گلوبل ویلیج اٹ تینا قوم انا تہذیبی تشخص و انسان دوستی آ مبنی اصل دروشم ءِ تالان کین۔