کشمیربھارت نا تہہ نا باندات اس اف بلکن مسلمہ جہانی نا جھیڑہ اسے، پاکستان

اسلام آباد۔ 26ستمبر (اے پی پی) پاکستان اقوام متحدہ نا جنرل اسمبلی ٹی بھارت نا دا خورک دعویٰ ءِ کہ جموں و کشمیر اونا تہہ نا باندات اسے، مسترد کرسا پارینے کہ دا اقوام متحدہ نا سلامتی کونسل نا چندی قرارداد آتا رداٹ اسہ جھیڑہ ئی ءُ علاقہ اسے۔ کشمیر میڈیا سروس نا کنڈآن اینو جاری کروک آ اسہ رپورٹ اسے ٹی پاننگانے کہ اقوام متحدہ نا جنرل اسمبلی ٹی پاکستانی مندوب صائمہ سلیم پارینے کہ بھارت جہانی وڑاٹ امنا کروک متنازعہ علاقہ جموں و کشمیر آ کوزہ گیر ءِ و داجھیڑہ نا حتمی فیصلہ اقوام متحدہ نا رداٹ رائے شماری نا کمک اٹ کننگے۔ رپورٹ اٹی پاننگانے کہ بھارت مقبوضہ جموں و کشمیر اٹی انسانی حق انا خلاف ورزی تیان چکار ءِ اسہ کنڈ کننگ کن سراسر دروغ تڑنگ ءِ۔ رپورٹ اٹی پاننگانے کہ کشمیر بھارت نا تہہ نا باندات اس اف بلکن اقوام متحدہ نا سلامتی کونسل نا ایجنڈاغا اسہ جہانی ءُ جھیڑہ اسے ۔ رپورٹ اٹی پاننگانے کہ جموں و کشمیر اٹی تعینات اقوام متحدہ نا فوجی مبصر آک داہیت انا اسہ پین شاہدی اسے ءُ کہ کشمیر جہانی ءُ جھیڑہ اسے و بھارت کشمیر ءِ اقوام متحدہ نا سلامتی کونسل نا یجنڈاغان ہمووخت اسکان اینک کننگ کپک ہراتم اسکان دا جھیڑہ کشمیری تا است خواہی تارداٹ ایسر مفک۔