اسلام آباد۔ 26ستمبر (اے پی پی) بنجائی وزیر خارجہ مخدوم شاہ محمود قریشی برطانیہ نا مسہ دے ئی دورہ غا لندن آ سرمسنے۔ ہیتھرو بالی پٹ آ سرمننگ آ برطانیہ ٹی پاکستان نا ہائی کمشنر معظم احمد خان و نائب سفیر ڈاکٹر فیصل عزیز و سفارتخانہ نا سینئر آفیسرآک وزیرخارجہ ءِ بخیر کریر۔ وزیرخارجہ اینو نن پاکستان ہاؤس اٹی اڈ ہلوک آ سوارہ ٹی بشخ ہلیک۔ وزیرخارجہ شاہ محمود قریشی برطانوی فارن افیئرز کمیٹی نا سروک و پارلیمںٹ نا باسک برطانوی وزیرخارجہ الزبتھ ٹرس و پاکستانی کمیونٹی نا نمائندہ شخصیت آتون اوڑدہی ہم کیک۔ اوڑدہی ٹی ہڑتوم آ کنڈآتا تعلقداری، کثیر الجہتی شعبہ جات اٹی ہڑتوم آ کنڈآتا کمکاری و اہم علاقائی و جہانی باندات آ گپ وتران کننگک۔ وزیرخارجہ لندن اٹی میڈیا نمائندہ غاتون گپ وتران کیک و پاک برطانیہ تعلقداری، اہم علاقائی و جہانی باندات آ پاکستان نا نقطہ نظر آن معلومدار کیک، وزیرخارجہ نا دا دورہ برطانیہ ہڑتوم آ ملک آتا نیام اٹ بڑزکو کہولی رابطہ غاتا مون آ دننگ نا درشانی ءِ۔
