سرینگر۔ 26ستمبر (اے پی پی) غیرکانودی وڑاٹ بھارت نا کوزہ ٹی جموں و کشمیر اٹی کل جماعتی حریت کانفرنس علاقہ نا بگڑینگوک آ حالیت آتیا گڑتی نا درشانی ءِ کرینے۔ کشمیر میڈیا سروس نا رداٹ کل جماعتی حریت کانفرنس نا ترجمان سرینگراٹی جاری اسہ بیان اسے ٹی است ہسونی نا درشانی ءِ کرے کہ 5اگست 2019آن پد ہراتم مودی نا فسطائی بھارتی حکومت مقبوضہ جموں و کشمیر نا خصوصی حیثیت ءِ چٹفے، 10لکھ آن زیات بھارتی فورس انا کارندہ غاک علاقہ ءِ گھیڑ کرینو۔ او کشمیری الس نا جوزہ آجوئی ءِ توننگ کن فسطائی بھارتی حکومت نا کنڈآن واک انا وحشیانہ کاریم اٹ اتنگ نا مذمت ءِ کرسا پارے کہ دااقتدار نا منتقلی یا ڈغار نا اسہ ٹکر اسے نا باندات اف کہ تعلقدار فریق آتا نیام اٹ بشخنگے بلکن دانا تعلق اسہ ہندن ءُ قوم اسے نا مقدر تون ءِ ہرابھارت نا غیرکانودی کوزہ اٹ آجوئی کن مال و جان و عزت و آبرو نا بے شمار قربانی تسنے۔
