اسلام آباد۔ 26ستمبر (اے پی پی) بنجائی وزیر مواصلات مراد سعید پاکستان تحریک انصاف نا حکومت نا کنڈآن بلوچستان اٹی بناکروک ڈٹ آتا سرجم و ویڈیواس جاری کرسا پارینے کہ بلوچستان نا شونداری پاکستان نا شونداری ءِ، بلوچستان شونہال مریک تو پاکستان شونہال مریک، پی ٹی آئی نا حکومت دیکی روٹ سی پیک نا نئے بیرہ منظوری ءِ تس بلکن ژوب۔ کچلاک ڈٹ آن دانا بناءِ کرے۔ مستین اٹی سڑک آتا دعویٰ کروک آ حکومت آک بلوچستان اٹی نشست آتا کم مننگ نا سوب آن اودے گوجالار، مستین نا حکومت آک بلوچستان اٹی بیرہ تختی خلکر و ڈٹ آتا ٹینڈر جاری کریر ولے عملی وڑاٹ ہچ ءُ کاریم اس متو و نئے ڈغار آ کاریم اس نظر بس۔ یک شنبے نادے آ تینا اسہ بیان اسے ٹی بنجائی وزیر پارے کہ وزیراعظم عمران خان پسماندہ و محروم علاقہ غاتا شونداری و شونہالی نا نئے بیرہ قول کرے بلکن عملی وڑاٹ اوڑکن گام گیج کرے ، مستین نا حکمران تا مقابلہ ٹی وزیراعظم عمران خان بلوچستان نا شونداری و اونا الس نا ویل آتیا خاص چکار کرسا وقتا فوقتا تینا دورہ غاتیان بلوچستان و بلوچستان والا تا باندات آتے ٹی تینا جند انا و خصوصی است خواہی نا درشانی ءِ کرے۔ مستین اٹ سڑک جوڑ کننگ نا دعویٰ کروک آ حکومت آک بلوچستان اٹی نشست آتا کم مننگ نا سوب آن اودے گوجالار۔ مراد سعید پارے کہ ننا مدام کوشست مسنے کہ بلوچستان ءِ ہندن ءُ کسر اسے آ دننگے ہرانا مزل اسہ شونہال ، پرامن و شون ہلوک صوبہ اس مرے ہراڑے الس ءِ جان جوڑی، تعلیم، کنوئی آ ساف دیر، روزگار و کاروبار نا غٹ آسراتی اسہ وڑ دوئی مرے ،دابیرہ ننا دعویٰ ہی آخا نئے تغ اسے بلکن تدوک آ مسہ سال اٹی نن عملی وڑاٹ داگام گیج آتے عملی دروشم اس تننگ کن سہی کنڈاٹ پیش رفت نا بناءِ کرین ہرانا مثبت نتیجہ ہر زند انا بشخ آ تمنگ ءِ و صوبہ نا الس دابدلی تا تینٹ ہم مشاہدہ ءِ کننگ ءِ۔ اوپارے کہ مستین نا حکومت آک بلوچستان اٹی بیرہ تختی خلکر و ڈٹ آتاٹینڈر جاری کریر ولے عملی وڑاٹ ہچ ءُ کاریم اس کتوس و نئے ڈغار آ کاریم اس نظر بس، پی ٹی آئی نا حکومت دیکی روٹ سی پیک نانئے بیرہ منظوری تس بلکن۔ژوب۔ کچلاک ڈٹ آن دانابناءِ کرے۔ ہوشاب۔ آواران 146کلومیٹر شاہراہ نا تفنگ نا کاریم ترندی اٹ برجاءِ ہراتینا تخوک آ وخت آن20درسد ترندی اٹ سرتننگ انگ ءِ۔
