نیویارک، اسلام آباد۔ 25ستمبر (اے پی پی) وزیرخارجہ مخدوم شاہ محمو دقریشی پاکستانی میڈیا نا نمائندہ غاتے تدوک آ پنچ دے اٹی اقوام متحدہ جنرل اسمبلی نا 76می دیوان نا وخت آ چندی ملک آتا وزیر خارجہ غاتون مروک آ اوڑدہی و گپ وتران آن معلومدار کرے۔ وزارت خارجہ نا جاری پریس ریلیز نا رداٹ وزیرخارجہ مخدوم شاہ محمود قریشی نیویارک اٹی پاکستانی میڈیا نمائندہ غاتون گپ وتران کرے۔ ہراٹی وزیرخارجہ شاہ محمود قریشی وزیراعظم عمران خان نا اقوام متحدہ نا جنرل اسمبلی نا 76می دیوان اٹی مروک آ ویڈیو تران نا اہمیت ءِ ہم مون آ تخا و اونا تقریر نا چندی پلو آتے صحافی تا مون آ تخا۔ وزیرخارجہ صحافی تا سوج آتا ورندی ءِ تس و چندی علاقائی و جہانی امور آ پاکستان نا نقطہ نظر ءِ پیش کرے۔ اقوام متحدہ ٹی پاکستان نا آخبتی مندوب ایمبیسیڈر منیر اکرم و امریکہ ٹی پاکستان نا سفیر ایمبیسڈر اسد مجید ئسک ہم داوخت آ ساڑی ئسر۔

متعلقہ مضامینمصنف کی طرف سے مزید