اسلام آباد۔ 25ستمبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ نابود سیاستدانک سیاست ءِ کاروباری فائدہ دوئی کننگ کن کاریم اٹ ایسُر، شہباز شریف بحیثیت وزیراعلیٰ مارتا زیرملکیت شوگر مل ءِ فائدہ تس، ن لیگ بورہ غا 5سال اٹی 29ارب نا سبسڈی تس، سبسڈی نا پن آ جند انا کاروبار ءِ فائدہ و الس نا جیب تیان ارب آ روپئی تے کشنگا۔ ڈاکٹر شہباز گل ہفتہ نا دے آ مسکوہی وزیراعلیٰ پنجاب میاں شہباز شریف نا بیان آ ردعمل اٹی پارے کہ دہائی تیان الس نا جیب آ ڈاکہ خلنگ نا چرجوئی عمران خان شوگر رپورٹ ءِ پبلک کرسا تورینے۔
