اسلام آباد۔ 25ستمبر (اے پی پی) بنجائی وزیر داخلہ شیخ رشید احمد کورونا نا بابت قوم انا پن تینا کلہو اٹی پارینے کہ نیشنل کمانڈ اینڈ آپریشن سینٹر، این سی او سی کورونا نا برخلاف زبردست کاریم کرینے۔ وزارت داخلہ نا کنڈآن ہفتہ نا دے آ جاری کروک آ بیان نا رداٹ وزیرداخلہ پارے کہ این سی او سی نا کاریم ءِ دنیا امنا کیک۔ شیخ رشید قوم آن کورونا ویکسین خلنگ نا خواست کرسا پارینے کہ 30ستمبر 2021ء اسکان کورونا ویکسین نا ارٹ میکو ڈوز ءِ خلفر، اوپارے کہ 30ستمبر آن پد چندی وڑنا پابندی لگنگ والا ءِ۔ ہرافک ویکسین خلفتنو او 30ستمبر 2021آن پد بھاز انگا آسراتی تیان محروم مریرہ۔ اوپارے کہ تینکن و تینا ملک اکن ویکسین المی خلفر۔ وزیرداخلہ قوم آن خواست کرے کہ 30ستمبر آن مست اولیکو ویکسین نا ہڑتوم آ ڈوز آتے پورو کرسا تینا خاہوت و اولیاد آتے بچفر و ملک انا خذمت ءِ کیر۔
