اسلام آباد۔ 25ستمبر(اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان جہانی دنیا ءِ گچین وڑاٹ باور کرفے کہ اوغان جنگ انا غٹ آن زیات جانی و مالی نسخان پاکستان ءِ مس، دنیاءِ مرے کہ مستین نا ردینک آتے دُوارہ کپ بلکن اوغانستان اٹی دیرپا امن کن کوشست کے۔ وزیراعظم عمران خان اقوام متحدہ ٹی دلیری اٹ مودی نا ظالمانہ نظریہ آرایس ایس ءِ ایکسپوز کرے۔ ہفتہ نا دے آ تینا ٹویٹ اٹی وزیرمملکت فرخ حبیب پارے کہ پبی دلیل آتیان کشمیری تا سچا وکیل و نڈر سفیر مننگ نا کڑد ءِ ادا کرے۔ اوسید علی گیلانی نا میت ءِ اسلامی رسم آتون شہید آتا قبرستان اٹی دفن کننگ نا خواست آ زور شاغا۔ اوپارے کہ وزیراعظم عمران خان اقوام متحدہ ٹی بے کچ مدلل و پراعتمادی اٹ راستکی تے مون آ تخا و بھاز انگا تے آدینک ءِ نشان تس، الحمداللہ پاکستان اٹی ہندن ءُ وزیراعظم اس ارے ہرا قومی فائدہ و بروک آ چین تا آخبت ءِ اولیت ایتک۔
