لاہور۔ 25ستمبر (اے پی پی) وزیراعظم عمران خان نا خصوصی کمکار ڈاکٹر شہباز گل پارینے کہ مسکوہی وزیراعظم نواز شریف نا لاہور اٹی جعلی کورونا ویکسی نیشن سرٹیفکیٹ نا جوڑ مننگ پاکستان نا برخلاف سازش اسے، ڈان لیک آن ہلیس ویکسین لیک اسکان ہر سازش نا سہرامریم نواز اسکان کاہک، نوید پنی ءُ بندغ اسے مریم نواز دازمواری ءِ تس، مریم نواز و ایم پی ایز عمران نذیر و چوہدری شہباز اواری اٹ دا سازش ءِ جوڑ کریر، کورونا ڈیٹابیس ءِ بدنام کننگ کن جعلی سرٹیفکیٹ نا راگ ءِ کننگا، سیاست اٹی گندہ سوچ تخوک آک ملک انا آخبت نا بارواٹ سجفتوس، ملکی سلامتی نا برخلاف سازش کروک آتے ورندی تروئی مریک، ڈان لیک آ اگہ این آر او تننگتوکہ تو اینو داحالیت متوکہ۔ او ہفتہ نا دے گورنر ہاؤس لاہور اٹی پریس کانفرنس آن تران کریکہ۔ ڈاکٹر شہباز گل پارے کہ جعلی انٹری کرفوک آ اسہ دوبہ دار اس عادل رفیق کوٹ خواجہ سعید ہسپتال اٹی ملازم اسے ہرادے ایم پی اے چوہدری شہباز 2015ء ٹی ہسپتال اٹی بھرتی کرفیسس وخت اس کہ ابولحسن ءِ 2017ء ٹی بھرتی کرفنگا ہراہڑتوم آ ک تھانہ گجرپورہ ٹی بند ءُ و ایف آئی اے ہم اوفتیان جاست وپاست کیک، وخت اس کہ مسٹ میکو کیریکٹر نوید ءِ ہم زوت جرمنی آن پدی اتنگک۔ شہباز گل پارے کہ جعلی ویکسی نیشن نا خبر غٹ آن مست ن لیگ میڈیا ءِ تس۔ اوپارے کہ صوبائی وزیر جان جوڑی ڈاکٹر یاسمین راشد ءِ خراج تحسین پیش کیوہ ہراداباندات ءِ بے نقاب کرے۔ شہباز گل پارے کہ او بروک آ وار اڑزآن بازار کمپنی نا سکینڈل ءِ اتیک کہ او امر کمپنی نا گڑاو ملازم آتے کاریم اٹ اتسا کرے۔ خصوصی کمکار نا پاننگ ئس کہ شہباز شریف اسہ وار ولدا پارینے کہ پیسہ اکاؤنٹ آن امر پیش تما اودے سمااف، داڑے محشرنا دے لگوک ءِ باوہ مار ءِ درست کننگ اف و مارباوہ ءِ۔ اوپارے کہ ساڑی حکومت توشہ خانہ نا کانود ءِ جوڑ کرینے ہرادے ٹیکی ملا او کم از کم 50درسد زر ترسا اودے ایشوکرفک۔
