کراچی۔ 25ستمبر (اے پی پی) پاک بحریہ و کسٹمز انٹیلی جنس اینڈ انویسٹی گیشن ڈائریکٹوریٹ گوادر اورماڑہ نا خڑک کنڈملیر نا سمندر اٹی اسیجائی کارروائی کرسا کم و ود 5400بوتل آتیا تالان شراب نا کھیپ ءِ کوزہ ٹی ہلکر، ضبط کروک آ شراب آتا کساس 70.5ملین روپئی خلنگانے۔ پاک بحریہ آن ہفتہ نادے آ جاری کروک اعلامیہ نا رداٹ انسداد منشیات نا سرسہب اسیجائی آپریشن پاکستان نا سمندری دنگ اٹ غیرکانودی سرجزآتا توننگ و سمندری رکھ انا مون آ دننگ کن پاک بحریہ نا کوشست آتا درشانی ءِ۔ پاک بحریہ ملکی کرکی پٹی و سمندر اٹی ہروڑنا غیرکانودی سرجزآتے بے سہب کننگ کن پورو وڑاٹ چوکس ءِ و ڈیہہ ٹی بحری سیکورٹی ءِ پک کننگ اٹ گچین کڑد ادا کننگ ءِ۔
