اسلام آباد۔ 25ستمبر (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن سید امین الحق پارینے کہ حکومت پاکستان نا پالیسی، اصلاحات و ڈیجیٹل پاکستان ویژن ملک اٹی ڈیجیٹلائزیشن نا عمل ءِ ترند کرینے ہرانا شاہدی جہانی ادارہ غاتا ریٹنگ اٹ پاکستان نا چندی درجہ شونداری ءِ وخت اس کہ ملک اٹی براڈ بینڈ و موبائل فون صارف آتے ٹی ودکی و ورناتے ٹی آن لائن سروس آتا کمک اٹ باعزت روزگار نا دوئی کننگ نا حساب وکتاب ہم دے پہ دے آ ودنگ ءِ۔ اوداہیت ءِ اقوام متحدہ نا جنرل اسمبلی دیوان نا ذیلی سیشن نا رداٹ جہانی ڈیجیٹل کمکار تنظیم نا اہم دیوان آن ورچوئل تران کرساپارے۔ دیوان اٹی پاکستان تون اوار تنظیم نا 7بانی ملک سعودی عرب، عمان، بحرین، کویت، نائیجریا و اردن نا وزیر آک ساڑی ئسر۔ وخت اس کہ داوخت آ اقوام متحدہ نا اسسٹنٹ سیکرٹری جنرل پالیسی کمکاری و بین الایجنسی امور ماریہ فرانسیسکائسک ہم تران کریر۔
