جمیکا۔ 17اگست (اے پی پی) پاکستان و ویسٹ انڈیز نا کرکٹ ٹیم تا نیام اٹ اِرا ٹیسٹ میچ آتیا تالان سیریز نا ارٹ میکو و آخیریکو میچ 20اگست آن سبینا پارک، کنگسٹن، جمیکا ٹی بناکیک۔ ویسٹ انڈیز ءِ پاکستان نا برخلاف اِرامیچ آتا سیریز اٹی 1-0نا برتری دوئی ءِ۔ کالی آندھی گرین شرٹس ءِ اولیکو میچ اٹی سنسنی خیز مقابلہ غان پد اسہ وکٹ اٹ شکست تسوسس۔ پاکستانی ٹیم کٹنگ نا عزم ءِ ہلسا بابراعظم نا کماشی ٹی میدان اٹ دڑنگک وخت اس کہ مہماندار ٹیم ءِ کریگ براتھویٹ لیڈ کیک۔ ہڑتوم آ ٹیم تا نیام اٹ ارٹ میکو و آخیریکو ٹیسٹ 20آن 24اگست اسکان سبائنا پارک، کنگسٹن، جمیکا ٹی مریک۔ یات سلے کہ داکان مست قومی ٹیم چارٹی 20میچ آتا سیریز 1-0اٹ تینا پن آ کرینے۔
