ابوظہبی۔ 14جون (اے پی پی) پاکستان سپرلیگ اٹ ملتان سلطانز پشاور زلمی ءِ آسانی اٹ 8وکٹ آتے اٹ باتس۔ کٹوک آ ٹیم 167رنز انا ہدف 17می اووراٹی 2وکٹ آتا نسخان دوئی کرے۔ کیپٹن محمد رضوان 82رنز انا ناقابل شکست اننگز کرے۔ شیخ زیداسٹیڈیم، ابوظہبی ٹی مروک آ لیگ انا 21می میچ اٹ پشاور زلمی اول بیٹنگ کرسا مقررہ 20اوورآتے ٹی 7وکٹ آتا نسخان آ 166رنز جوڑکرے۔ شرفین ردر فورڈ 56رنز انا عمدہ اننگز کرے۔ کامران اکمل 35و حیدرعلی 28رنزاتون نمان ئسر۔ شاہنواز دھانی 4گوازی گرتے آؤٹ کرے۔ ورندی ٹی ملتان سلطانز درکار ہدف ءِ 16.3اوورآتے ٹی 2وکٹ آتا نسخان آ دوئی کرے۔ کیپٹن محمد رضوان شاندار بیٹنگ نا درشانی ءِ کرے و 82رنز انا ناقابل شکست اننگز کرے۔ صہیب مقصود 31بال آتیا5چکا تا کمک اٹ 61رنزجوڑ کرے۔ شاہنواز دھانی ءِ مرد میدان گوندنگا۔
