کوئٹہ۔ 27 مئی (اے پی پی) ڈپٹی ڈائریکٹر آپریشنز نقیب اللہ پارینے کہ فوڈ سیفٹی ٹیم الس نا کنڈآن غاو تا ملنگ آ کوئٹہ نا چندی علاقہ غاتے ٹی کارروائی کرے، کارروائی ٹی خیزی چوک اٹ کنوئی آ گڑاتا ہند آتا معائنہ ٹی حفظان صحت نا اصول آتا خلاف ورزی آ اسہ بیکری و اسہ ملک شاپ اس سیل وخت اس کہ اِرابیکنگیونٹ آتون اوار چار ہند آتیا جرمانہ عائد کرے۔ ڈپٹی ڈائریکٹر آپریشنز نقیب اللہ ناصر ہرا بی ایف اے معائنہ ٹیم انا کماشی ءِ کرسا بیکری ءِ ایکسپائرڈ و ممنوعہ گڑاتا بہا، ملک شاپءِ بھلو کچ اسے ٹی باسی و خراب اسٹور کروک پال تا دوئی مننگ وہیبدار سفائی آ سیل کننگا۔ معائنہ ٹی اِرابیکنگیونٹ آتا برخلاف پروڈکشن ایریاٹی گندگی و حشرات آتا ساڑی گری و تیار گڑاتا نامناسب اسٹوریج وخت اس کہ اِراملک شاپ ءِ ہیبدار و اوار سوار پال انا بہا و دوکان اٹی سفائی نا سہی مفروک بست وبند آتیا جرمانہ کننگا۔ ڈپٹی ڈائریکٹر آپریشنز نقیب اللہ پارے کہ بلوچستان فوڈ اتھارٹی ءِ کلی خیزی چوک نا الس نا کنڈآن غاو ملاسس کہ کنوئی آ ہند آتے ٹی الس ءِ ہیبدار و ملاوٹی کنوئی آ گڑاتا بہاکننگ نا چرجوئی برجاءِ، ہراڑآ ڈائریکٹر جنرل بلوچستان فوڈ اتھارٹی ابراہیم بلوچ نا پارت آ بلوچستان فوڈ اتھارٹی کمامدارآک ہنداعلاقہ ٹی ساڑی جنرل اسٹورز، پال انا دوکان، میٹ شاپ، ہوٹل اینڈ ریسٹورنٹ، بیکری شاپ وبیکنگیونٹ آتا معائنہ ءِ کریر و گڑاتا آب و سفائی نا بست وبند آتا جاچ ءِ ہلکر۔
