جنیوا۔ 24 مئی (اے پی پی) اقوام متحدہ نا سیکرٹری جنرل انتونیوگوتریش پارینے کہ دنیا داوخت آ کورونا دین انا جہانی دین انا برخلاف جنگ انا حالیت اٹی ءِ، و دا جنگ ءِ کٹنگ کن جہانی برادری ءِ تینا جہد اٹ جنگ انا منطق ءِ تینا کروئی مریک۔ جرمن خبررساں ادارہ نا رداٹ جہانی ادارہ نا سروک جنیوا ٹی جہانی ادارہ جان جوڑی نا سالانہ مچی آن تران کرسا پارے کہ کورونا دین انا برخلاف سرسہبی کن جہانی برادری ءِ تینا جملہ”سلہہ“ غاتے ہمووڑکاریم اٹ اتوئی مریک، ہراوڑکہ حالیت جنگ اٹی کننگک۔ ڈبلیو ایچ او نا باسک ملک آتا کچ 194ءِ داغٹ داسال مروک آ ورچوئل دیوان اٹی ساڑی ءُ۔ جان جوڑی نا بابت دا جہانی اسمبلی یکم جون اسکان برجاسلک۔
