اقوام متحدہ۔ 20 مئی (اے پی پی) اقوام متحدہ نا سلامتی کونسل افریقہ ءِ کورونا دین انا بابت امداد و ویکسین نا فراوانی آ گڑتی نا درشانی ءِ کرسا اوفتے ودفنگ نا گرج آ زور شاغانو۔ فرانسیسی میڈیا نا رداٹ اقوام متحدہ نا سلامتی کونسل افریقہ ءِ جہانی کہول آ تروک آ غٹ ویکسین تیان بیرہ دودرسد ویکسین نا فراوانی آ گڑتی نا درشانی ءِ کرینے۔ سلامتی کونسل آب، رکھ، موثر و اڑزآن کورونا دین انا تشخیص، درمان، دارو و ویکسین اسکان بریبر رسینگ ءِ قابل کننگ نا گرج آ زور شاغانے۔ سلامتی کونسل کووایکس اسکیم نا رداٹ غریب ملک آتے ویکسین فراوان کروک آ شون ہلوک زرگزران تیان رکھی و موثر ویکسین نا خورآتا ترند عطیہ تننگ نا خواست کرینے۔ یات سلے کہ افریقہ نا آبادی داتم اسکان ایلو ڈیہہ تا مقابلہ ٹی دینی مرض آن کم زہمی مسنے ولے ویکسین نا سست روی دا گڑتی ءِ ودی کرینے کہ براعظم اٹ دین انا چندی وڑک ودنگ کیرہ ہراڑآن افریقی شاریک زہمی مننگ کیرہ و دا دین مچ آ دنیاٹی تالان مننگ نا گڑتی ءِ۔
