جبوتی ءِ صدر ءِ  سوگند چست کنگ ءِ مراگش ءَ بھر زوری  کنگ ءَ سک باز وش ءُ شات بوتگ آں، نوک گچین بوتگیں صدر  دو نیمگی یکوئی آناں گیش  دیمروئی دیگ ءَ وتی کرد ءَ را پیلو کناں، صادق سنجرانی  

اسلام آباد۔15مئی (اے پی پی):چیئرمین سینیٹ محمد صادق سنجرانی  ءَ گوشت کہ جبوتیءِ صدر سوگند چستی مراگش ءَ  شرکت کنگ ءَ سک باز وشی بوتگ، نوک گچین بوتگیں صدر دو نیمگی یکوئی آناں گیش دیمروئی دیگ ءَ وتی کرد ءَ را پیلو کن انت۔   اے ھیالانی درشانی آئی ءَ پاکستانی ڈل ءِ ھمبراھی ءَ جبوتی ءِ نوک گچین بوتگیں صدر اسماعیل عمر گوئیلہ ءِ سوگندی مراگش ءَ  ءَ بھر زوری  ءِ موہ ءَ بیان ءَ کت۔ چیئرمین سینیٹ محمد صادق  سنجرانی ءِ سرکوی ءَ پاکستانی ڈل ءَ اے موہ ءَ جبوتی  نوک گچین بوتگیں صدر اسماعیل عمر گوئیلہ ءِ  سوگندی مراگش  ءَ بھر زوری کت۔ چیئرمین سینیٹ ءُ ڈل  ءِ باسک آں جبوتی ءَ نوک گچین بوتگیں صدر ءَ را مبارک بات  ھم دات۔  چیئرمین  سینیٹ ءَ گوشت کہ جبوتی ءِ صدر دو نیمگی یکوئی آناں گیش دیمروئی دیگ ءَ وتی  کرد ءَ پیلو کن انت۔