نن تینا خوشی تیٹی تینا غریب، حقدار، چوری ایڑھ و ایلم تے بایدے اوار کین، جمعیت علماء اسلام نا راہشون و مسکوہی باسک قومی اسمبلی آسیہ ناصر

کوئٹہ۔ 11مئی (اے پی پی) جمعیت علماء اسلام نا راہشون و مسکوہی باسک قومی اسمبلی آسیہ ناصر پارینے کہ جمعیت علماء اسلام بین المذاہب ہم آہنگی آ یخین تخک نن تینا خوشی تیٹی تینا غریب، حقدار، چوری ایڑھ و ایلم تے بایدے اوار کین۔ داہیت ءِ او سے شنبے نادے آ عئید انا وخت آ غریب و حقدار بندغ آتے ٹی چیک بشخنگ نا وخت آ گپ وتران کرسا پارے۔ آسیہ ناصر پارے کہ جمعیت علماء اسلام بے رنگ و نسل ومذہب آن ایڑتر الس نا خذمت آ یخین تخک۔ اوپارے کہ ننے مرے کہ نن غٹ مذہب آتا مذہبی تہوار و اوفتا خوشی تیٹی اوار مرین تانکہ مذہبی ہم آہنگی ءِ پین مون آ دننگ مرے۔ اوپارے کہ سخی تے ہم مرے کہ او مذہبی تہوار آ تینا غریب، حقداربندغ و چوری تے یات کیر تانکہ او ہم خوشی تیٹی اوار مننگ کیر۔ اوپارے کہ اینو غریب و حقدار بندغ آتے ٹی عئید انا وخت آ چیک بشخنگ نا مسخت ہم ہندادے کہ غریب و حقدار بندغ آک ہم تینا چنا و خاہوت تون عئید انا خوشی تے اڈتننگ کیر۔ داوخت آ مسکوہی باسک قومی اسمبلی آسیہ ناصر غریب، حقدار، چوری و جنوزان تیٹی چیک بشخا۔