اسلام آباد۔ 06مئی (اے پی پی) بنجائی وزیر ڈٹ بندی، شونداری و خصوصی گام گیج اسد عمر نا کماشی ٹی پنچ شنبے نادے آ اسلام آبا داٹی سویلی بلوچستان نا شونداری ڈٹ آتا رداٹ بجلی نا ڈٹ آتا بابت جاچ دیوان اس مس۔ وزیراعظم نا خصوصی کمکار سردار یار محمد رند، سیکرٹری پاور ڈویژن و بڑزکو عہدیدار آک دیوان اٹی بشخ ہلکر۔ دیوان اٹی بلوچستان اٹی برجا شونداری ڈٹ خاص کر بجلی نا بابت ڈٹ آتیا گپ وتران کننگا۔ اسد عمر دیوان اٹی پارت کرے کہ سویلی بلوچستان پیکج نا رداٹ بجلی ن ڈٹ آتیا کاریم ءِ ترند کننگے تانکہ الس اوفتیان فائدہ ہرفنگ کے۔ اوباوری کرفے کہ بنجائی حکومت صوبہ نا شونداری ٹی تینا پبی کڑد ءِ ادا کرسا کیک۔