اسلام آباد۔ 06 مئی (اے پی پی) بنجائی وزیر سائنس و ٹیکنالوجی شبلی فراز پارینے کہ خصوصی ٹیکنالوجی زونز اتھارٹی نا جوڑ کننگ نالج اکانومی نا کنڈآ اسہ اہم ءُ گام اسے۔ دا زون ملک اٹی پوسکن آ ٹیکنالوجی نا گدرفنگ و برآمد آتا ودکی ٹی کمک فراوان کیک۔ داہیت ءِ او خصوصی ٹیکنالوجی زونز اتھارٹی نا چیئرمین عامر ہاشمی تون گپ وتران کرسا پارے ہراپنچ شنبے نادے آ اوڑتون اوڑدہی کرے۔ بنجائی وزیر پارے کہ ملکی شونداری کن پوسکن آ زرگزرانی قدر ءِ مون آ دننگ وزیراعظم عمران خان اولیت آتے ٹی اوار ءِ۔ اومستی پارے کہ ٹیکنالوجی زون تا جوڑ کننگ جہانی کہول آ زرگزرانی شونداری نا سوب مسنے۔ پاکستان اٹی دا زون تا جوڑ کننگ وخت انا اہم ءُ گرج اسے۔ دافتا جوڑ کننگ آن ورناتے روزگار و تینالائخی تے کاریم اٹ اتنگ نا موقع ملک۔ چیئرمین اسپیشل ٹیکنالوجی زونز اتھارٹی دا وخت آ پارے کہ ملک اٹی کل 50 زون جوڑ کننگک۔ ولے دافتا بنا ءِ اسلام آبا د و صوبائی دارالخلافہ غاتیان کننگ انگ ءِ۔
