اسلام آباد۔ 06 مئی (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان اینو پنجاب نا 11 تحصیل آتے ٹی 10 ہزار اڑزآن اُراتا تفنگ نا ڈٹ انا بنداوءِ تخنگ ءِ، پنجا لکھ اُراتا تفنگ نا قول عملی دروشم اس اختیار کننگ ءِ۔ پنچ شنبے نادے آ بنجائی وزیر چوہدری فواد حسین پارے کہ بینک آتے ٹی وزیراعظم ہاؤسنگ اسکیم نا رداٹ 52 ارب روپئی نا دوئی کننگ نا درخواست بسنے و 12 ارب جاری مسنے۔ اوپارے کہ ہرا فک تنقید کریرہ کہ ہمو قول ہرافتے تحریک انصاف کریسس بیرہ گچین کاری قول ئسر، اوفتیا پاش مسنے کہ پوسکن آ پاکستان نا کنڈآن ہرا سفر نا بناءِ کننگا او داسہ روانی اختیار کننگ ءِ، انشاء اللہ داسفر اٹ داسہ مشکل آک کم مرسا کارہ۔
