وزیر خارجہ تون مرکزی علماء کونسل، صوبہ پنجاب نا سیکرٹری جنرل نا اوڑدہی

اسلام آباد۔ 05 مئی (اے پی پی) وزیر خارجہ مخدوم شاہ محمود قریشی تون مرکزی علماء کونسل، صوبہ پنجاب نا سیکرٹری جنرل حافظ مقبول احمد چارشنبے نادے آ وزارت خارجہ ٹی اوڑدہی کرے۔ گپ وتران اٹی اتحاد بین المسلمین و تحفظ حرمت رسول صلی اللہ علیہ و آلہ وسلم تون اوار تین پہ تینی است خواہی نا باندات آ گپ وتران کننگا۔ مرکزی علماء کونسل پنجاب نا سیکرٹری جنرل حافظ مقبول احمد جہانی فورم تیا”اسلاموفوبیا نا ودوک آ رجحان نا برخلاف گچین توار بڑزکننگ وتحفظ حرمت رسول صلی اللہ علیہ و آلہ وسلم نا علم بلند کننگ آ وزیر خارجہ ءِ مبارکبادی تس۔ حافظ مقبول احمد تحفظ عقیدہ ء ختم نبوت و تحفظ ناموس رسالت صلی اللہ علیہ و آلہ وسلم نا بابت مرکزی علماء کونسل نا کوشست آتیان معلومدار کرے۔ مخدوم شاہ محمود قریشی پارے کہ عقیدہ ء ختم نبوت ہمو بنداوی عقیدہ غاتیان ءِ ہراڑآ امت نا اتفاق و قطعی اجماع ءِ۔ فرقہ واریت نا چٹفنگ و اتحاد بین المسلمین کن عالم دین تا کڑد بھاز اہمیت تخک۔