چیئرمین کشمیر کمیٹی شہریار خان آفریدی کشمیر کمیٹی نا خصوصی دیوان ءِ بٹنگا

اسلام آباد۔ 05 مئی (اے پی پی) چیئرمین کشمیر کمیٹی شہریار خان آفریدی بھارتی غیر کانودی مقبوضہ جموں و کشمیر اٹی کورونا دین انا ترندی اٹ بگڑینگوک آ حالیت آتا نوٹس ءِ ہلسا کشمیر کمیٹی نا خصوصی دیوان ءِ بٹنگا، کمیٹی نا حوالی نا رداٹ غیر کانودی مقبوضہ جموں و کشمیر نا ہسپتال آتے ٹی طبی ازباب، دوائی، پیرامیڈیکل اسٹاف و ڈاکٹر آتا کمتی نا سوب آن مرک آتے ٹی ترندی اٹ ودکی مننگ ءِ، کشمیر کمیٹی نا خصوصی دیوان اٹی یک و نیم درزن آن زیات جہانی ادارہ غاتے بٹنگ انگانے۔ حوالی نا رداٹ دیوان اٹی وزیر خارجہ شاہ محمو دقریشی، نیشنل سیکورٹی ایڈوائزر معید یوسف، ورلڈ ہیلتھ آرگنائزیشن، اقوام متحدہ، آئی سی آرسی و ایلو جہانی ادارہ غاتا نمائندہ غاتے ہم بٹنگ انگانے۔ دیوان اٹی چیئرمین کشمیر کمیٹی جہانی ادارہ غاتیان مقبوضہ جموں و کشمیر اٹی انسانی ہمدردی آ دمدستی انٹرنیشنل میڈیکل کوریڈور جوڑ کننگ نا خواست کیک۔ دیوان آن پد چیئرمین کشمیر کمیٹی شہریارخان آفریدی پی آئی ڈی ٹی میڈیا ءِ دیوان نا فیصلہ غاتیا حوال ایتک۔