ضلع ژوب انا مانز کئی سیکٹر اٹی پاک اوغان سیم آ دہشت گرد آتا جلہو اٹی ایف سی نا 4 ورنا شہید، 6 ٹھپی مسر، آئی ایس پی آر

راولپنڈی۔ 05 مئی (اے پی پی) ضلع ژوب انا مانز کئی سیکٹر اٹی پاک اوغان سیم آ دہشت گرد آتا جلہو اٹی ایف سی نا 4 ورنا شہید و 6 ٹھپی مسر۔ پاک فوج انا شعبہ تعلقات عامہ (آئی ایس پی آر) نا رداٹ بلوچستان اٹی پاک اوغان سیم آ اوغانستان آن دہشت گرد آک باڑ خلوک آ ایف سی نا ٹیم آ سم کاری کریر، ہراٹی ایف سی نا 4 ورنا شہید و 6 ٹھپی مسر۔ دہشت گرد آتا سم کاری آن حوالدار نورزمان، سپاہی شکیل عباسی، سپاہی احسان اللہ و نائیک سلطان ئسک شہید مسر وخت اس کہ سم کاری آن 6 ورنا ٹھپی ہم مسر، ہرافتے سی ایم ایچ کوئٹہ غا گدریفنگانے۔