اسلام آباد۔ 05 مئی (اے پی پی) فیروز سنزلیبارٹریز لمیٹڈ نا پاکستان نا قومی ماڑی تے روشنا کرسا ہیلتھ کیئر ہیروتے خراج تحسین پنی آ فارماسیوٹیکل کمپنی فیروز سنز لیبارٹریز لمیٹڈ کورونا دین انا ساڑی آ دین اٹی ڈاکٹر، نرس، پیرامیڈیکل اسٹاف و فرنٹ لائن ہیلتھ ورکرزآتا بے مٹ قربانی و کوشست آتے امنا کننگ اٹ اوفتے خراج تحسین پیش کننگ کن 4 و 5 مئی آ مسہ پنی آ یات گار لاہور قلعہ، فیصل مسجداسلام آباد و فریئر ہال کراچی ءِ خرن آ روشنائی ٹی روشن کرسا ملک غیر گام کرے۔ داسرجز آتے والڈ سٹی آف لاہور اتھارٹی (ڈبلیو سی ایل اے) کراچی میٹرو پولیٹن کارپوریشن(کے ایم سی) و کیپیٹل ڈویلپمنٹ اتھارٹی (سی ڈی اے) نا کمک اٹ اڈتننگا۔ فیروز سنز لیبارٹریز نا دا گام انا مسخت ہمو ڈاکٹر، نرس، ہیلتھ کیئر ورکرز و پیرامیڈیکل اسٹاف ءِ خراج تحسین پیش کننگءِ، ہراننا قوم انا رکھ اکن تینا جان تے خطرہ ٹی شاغنگ ءُ۔ داوخت آ ہمو غٹ مخلوق نا نمائندگی ءِ کننگا ہرافک بھاز نرزوری اٹ دا دین انا مقابلہ ءِ کریرو تینا جان تے ندر کریر، و تینا ہمو دوست آتا یات اٹی بتی لگفیر، ہراتینا فرض ءِ پورو کننگ اٹ داہلوک آ مرض آن تینا جان آن دوتے سلار۔ فیروز سنز لیبارٹریز نا سی ای او عثمان خالد وحید داگام انا بابت پارے کہ ”نن ہرجاگہ غا ڈاکٹر و فرنٹ لائن ہیلتھ کیئر ورکرآتا وامدار اُن ہرا تینا جان تے خطرہ ٹی شاغسا ناجڑ آتا زندءِ اولیت ایترہ، او بیرہ ننا جان تے بچفنگ کن تینا خاہوتءِ پدی ہلرہ، داگام انا مسخت تینا ہیروتا است بڈی، اوفتے تون کمک و اوفتا منت واری ءِ ہرفنگ نا درشانی ءِ۔ ”ڈبلیو سی ایل اے نا ڈائریکٹر جنرل کامران لاشاری ہیلتھ کیئر ورکر آتے خراج تحسین پیش کرسا پارے کہ“ کوویڈ۔ 19 نا برخلاف جہد کروک آ ہیلتھ ورکرآک، ننا ہیروک ءُ، کنے فرنٹ لائن ورکرآتے کن فیروز سنز لیبارٹریز ناداکوشست ءِ خناٹ بھاز خوشی مس۔ ای بھاز خوش اُٹ کہ دانیک کاریم اٹ ننا محکمہ تینا ہم بشخءِ شاغا، کراچی ٹی ڈائریکٹر جنرل ناایم سی طحہ سلیم نا فریئر ہال ءِ خرن آ رنگ انا روشنائی اٹ روشنا کننگ نا بابت پاننگ ئس کہ ”نن تینا فرنٹ لائن ہیلتھ ورکرآتا قربانی تے اسل گیرام کپن۔ اوفتے ہردے اسہ سخت ءُ امتحان اسے و کراچی ٹی فریئر ہال ءِ خرن آ روشنائی ٹی روشنا کرسا نن اوفتے پاننگ خوانہ کہ نن اوفتے ہُننگ کینہ و اوفتے تون سلوک اُن۔
