درملکی تے زرتس آ خراج کٹیا تیٹی نہہ تُو اٹی 66 درسد ودکی مس، ایف بی آر

اسلام آباد۔ 05مئی (اے پی پی) برجامالی سال اٹی درملکی تے کروک آ زرتس آ خراج کٹیا 66 درسد ودا۔ فیڈرل بورڈ آف ریونیو(ایف بی آر) نا حوال نا رداٹ جولان آن مارچ 2020-21درملکی تے کروک آ زرتس آ خراج وصولیک 3.62ارب روپئی اسکان ودار وخت اس کہ تدوک آ مالی سال انا ہندا وخت اٹی دا مد اٹی خراج کٹیا تا کچ 2.18 ارب روپئی مسوسس۔ ہنداوڑ تدوک آ مالی سال انا مقابلہ ٹی اینخو مالی سال انا اولیکو 9 تُواٹی درملکی بندغ آتے کروک آ چندی زرتس آخراج وصولی تیٹی 1.44 ارب روپئی یعنی 66 درسد نا نمان ودکی ریکارڈ کننگانے۔ مارچ 2020ء نا مقابلہ ٹی مارچ 2021ء ٹی غیر مقیم بندغ آتے کروک آ زرتس آ خراج کٹیا تیٹی 170درسد ودکی آن مارچ 2020ء نا 223ملین روپئی خراج وصولی نا مقابلہ ٹی مارچ 2021ء ٹی خراج کٹیا ک 605ملین روپئی اسکان ودار۔